Американскиот Среден запад го зафати студен бран, познат како поларен вртлог, поради што животот во повеќе градови е парализиран.
Рускиот вицепремиер Јуриј Борисов, кој е задолжен за одбранбена индустрија, изјави денеска дека руските трупи не се разместени во Венецуела, каде се одржуваат антивладини протести.
Британските производители на автомобили денеска упатија предупредување за последиците од Брегзит врз нивната индустрија, наведувајќи дека две третини од британското производство на автомобили се изложени на ризик ако Велика Британија ја напушти ЕУ без договор за идна трговија меѓу двете страни.
Венецуелските власти уапсија петмина странски новинари кои известувале за протестите на опозицијата и политичките превирања во земјата. Уапсените се државјани на Франција, Колумбија и Шпанија, а двајца Чилеанци се депортирани од државата.
Наталитетот во Кина минатата година бил најнизок во последните 70 години, покажуваат службените податоци, откако ублажувањето на строгата популациска политика очевидно не ги охрабри двојките да имаат повеќе деца.
За време на емитувањето на вестите на Би-Би-Си во 18 часот се случи грешка, која некои ја сметаат и за намерна, бидејќи информацијата за плановите на британската премиерка Тереза Меј за посета на Брисел беше проследена со слики од бомбардери од Втората светска војна.
Русија не планира да ги евакуира своите дипломати и граѓани од Венецуела, изјави денеска портпаролката на руското Министерство за надворешни работи, Марија Захарова.
Министрите за надворешни работи на членките на ЕУ, земјите од Западен Балкан и Турција утре ќе одржат неформален состанок во Букурешт.
САД денеска ги повика земјите членки на Советот за безбедност на ОН да се придржуваат кон Договорот за неширење нуклеарно оружје (НПТ) во период кога Америка планира да се повлече од договорот со Русија за елиминација на нуклеарните ракети со краток и среден дострел (ИНФ).
Италијанскиот производител на автомобили „Ферари“ ја освои титулата најмоќен бренд, според најновиот извештај на „Бренд Финанс Глобал 2019“.
