Турскиот претседател Реџеп Тајип Ердоган и неговиот руски колега Владимир Путин денеска ќе ја одржат првата тет-а-тет средба во 2019 година, јави агенцијата Анадолија.
Јапонската полиција уапси двајца Израелци кои се осомничени за незаконски увоз на околу четири тони злато во Јапонија.
Француската национална агенција за здравствена безбедност го потврди присуството на хемикалии во многу пелени, кои се потенцијално опасни за бебињата. Притоа таа препорачува истите да се забранат и да се воведе подобра контрола на продадените производи. Владата бара во рок од 15 дена производителите на пелени да одговорат на „обврските”, јавува дописникот на МИА.
Дваесет илјади жени и девојчиња веројатно се жртви на шверцери со луѓе и се префрлени од Нигерија во Мали каде се држени во затворени места пред да бидат принудени на проституција.
Претставничкиот дом во САД одобри закон со кој се забранува американскиот претседател Доналд Трамп да ја повлече државата од НАТО.
Три лица на возраст од 18, 19 и 20 години се приведени поради сомнение дека планирале да нападнат муслимани во мал град во близина на Олбани, главниот град на американската држава Њујорк.
Гувернерот на Флорида и дел од републиканските конгресмени од оваа американска сојузна држава побараа од претседателот Доналд Трамп да го признае Хуан Гуаидо за привремен претседател на Венецуела.
Претседателот на Венецуела, Николас Мадуро рече дека наредил „ревизија“ на дипломатските односи со САД и дека тие мерки ќе ги објави во текот на денот.
Лидерот на републиканците во американскиот Сенат, Мич Меконел изјави денеска дека Сенатот оваа недела ќе се изјасни за предлогот на претседателот Доналд Трамп, со кој треба да заврши делумната блокада на Владата на САД.
Врховниот суд на САД денеска ја одобри забраната за служење на трансексуалци во армијата предложена од американскиот претседател Доналд Трамп, јави „Вашингтон Пост“.
