Поранешниот портир во „Трамп Тауер“ во Њујорк, Дино Саџудин тврди дека американскиот претседател Доналд Трамп имал љубовна афера со некогашната домашна помошничка, и дека од таа врска има дете, објави Си Ен Ен.
Полицијата во кинескиот град Харбин го уапси сопственикот на хотелот, во кој избувна пожар и загинаа 19 лица.
Американскиот претседател Доналд Трамп изјави денеска дека е можно постигнување трговски договор со Мексико за време на преговорите меѓу двете земји во текот на викендов во Вашингтон за преразгледување на Северноамериканскиот договор за слободна трговија (НАФТА).
Рускиот опозиционер Алексеј Навални, кој е најголем противник на Кремљ, е приведен денеска пред неговиот дом од засега непознати причини, објави на Твитер неговата портпаролка Кира Јармиш.
Турската полиција уапси над 20 лица и употреби солзавец со цел да растера десетици луѓе, кои не ја почитувале забраната за организирање протести во Истанбул, пишува опозицискиот весник „Џумхуриет“.
Меѓународната организација за заштита на човековите права „Хјуман рајтс воч“ денеска соопшти дека меѓу 30-те цивили, кои се киднапирани пред еден месец од џихадистичката група Исламска држава во јужниот дел на Сирија, има најмалку 16 деца.
Папата Франциско пристигна денеска во Ирска, која во последните неколку години беше погодена од многу скандали на свештенството, а ирската Католичка црква се наоѓа во многу тешка криза.
Американскиот претседател Доналд Трамп рече дека демократите се „левичарски мразачи и радикали", кои се обидуваат да ги „уништат американските институции".
Италијанската полиција заплени 535 килограми марихуна, која со моторен чамец од Албанија ја транспортирале двајца Албанци.
Бомбаш-самоубиец уби најмалку три лица денеска, активирајќи експлозив во близина на канцеларијата на авганистанската Изборна комисија во источниот дел на Џалалабад, каде што се собраа десетици демонстранти, соопшти официјален претставник.
