Во текот на 2017 година и покрај притисокот на надворешните граници, во земјите од ЕУ биле поднесени 728.470 апликации за азил, што претставува пад за 44 отсто во однос на претходната година, соопшти Европската канцеларија за прашања на азилот.
Портпаролката на Европската Комисија, Маја Коцијанчич, прецизириаше дека сѐ додека не е целосно имплементиран договорот постигнат помеѓу Грција и Македонија за спорот со името, Европската Унија ќе продолжи да ја нарекува земјата според привременото име.
Извршниот директор на „Ауди“ Руперт Стадлер е уапсен во врска со скандалот со мамење за емисија на штетни гасови, соопшти денеска матичната компанија „Фолксваген“ и обвинителите.
По 15.000 години се очекува Сахара да позелени, како дел од циклусот од 41 илјада години, кога пустината се претвора во савана. Причина за овие промени е осцилирањето на орбитата на Земјата около Сонцето, и тоа ја менува местоположбата на тој предел, објаснуваат научници.
Стапката на невработеност во Турција во март изнесувала 10,1 отсто, што е за 0,5 процентни поени помалку во споредба со претходниот месец, покажуваат податоците на Турскиот статистички институт.
Бројот на повредени во силниот земјотрес во Осака се зголеми на 300 луѓе, јавија локалните медиуми.
Баварските сојузници на канцеларката Ангела Меркел, Христијанско-социјалната унија (ЦСУ), денеска ќе одлучат колку далеку ќе одат во спорот со германската лидерка во врска со миграцијата, кој ескалира во закана за нејзината Влада.
Министрите за внатрешни работи на шесте земји од Западен Балкан, вклучително и од Македонија, утре во Брисел ќе се сретнат со Европската Комисија и со претставници на австриското и бугарското претседателство со Унијата.
Претседателот на Европскиот Совет, Доналд Туск, ќе ги посети клучните држави во ЕУ во наредните денови за да се обиде да изнајде компромис за мигранциската криза.
Јужна Кореја денеска почна дводневни воени вежби на островите Докдо во Источното море, со кои се симулира одбрана на тие острови, соопшти портпаролката на јужнокорејското Министерство за национална одбрана Чои Хјун Со.
