Тренерот на репрезентацијата на Франција, Дидие Дешамп, целосно очекувано беше избран за најдобар тренер на годината на церемонијата „The Best“ на ФИФА.
Ѕвездата на Ливерпул, Мохамед Салах ја доби наградата „Ференц Пушкаш“ за најубавиот гол во минатата сезона.
Поранешниот дефанзивец на Реал Мадрид, Мичел Салгадо, верува дека „кралскиот“ клуб треба да направи голем трансфер во блиска иднина за да го замени Кристијано Роналдо.
Европската фудбалска централа УЕФА започна нова истрага против францускиот шампион ПСЖ за нарушувањето на финансискиот ферплеј.
Крилото на Челзи, Еден Азар, го изрази своето мислење за новиот менаџер на лондонскиот тим, Маурицио Сари. Италијанскиот тренер е на чело на шесткратниот носител на титулата во Англија од почетокот на оваа сезона, а белгиската ѕвезда на тимот се довери дека тимот се чувствува супериорно под водство на италијанскиот стратег.
Менаџерот на Манчестер Сити, Пеп Гвардиола потсети дека одбраната на титулата во Премиер лигата останува најважната задача пред неговиот тим.
Претседателот на Јувентус, Андреа Ањели, изјави дека клубовите во Италија се отворени за идејата натпревари од Серија „А“ да се играат во странство. Ањели го посочи за пример решението со шпанската Примера дивизија. Пред неколку месеци стана јасно дека еден дуел од шпанскиот шампионат ќе се игра во САД, а според шефот на „бјанконерите“, ова е одличен начин да се добијат дополнителни средства од клубовите.
Во последните 10 години, Реал Мадрид освои само две титули во шпанската Ла Лига. Тоа се случи во сезоните 2011/12 и 2016/17, кога тимот беше воден од Жозе Мурињо, односно Зинедин Зидан. Во двата случаи, Мадрид ја започнува кампањата со 13 поени по пет натпревари, како што е и ситуацијата оваа сезона. Со Португалецот, „белите“ завршија со 100 поени, а со Французинот - 93.
Француското издание „Франс фудбал“ оваа година ќе додели награда „Златна топка“ како за најдобар фудбалер, така и за најдобра фудбалерка на годината.
Зинедин Зидан бил поканет од својот поранешен соиграч Дејвид Бекам да го преземе неговиот нов клуб Интер (Мајами), тврди „Мирор“. Предметниот тим ќе се вклучи во првенството на МЛС лигата од 2020 година, но Бекс веќе размислува за ментор.
