Изложба на стрип од Фран Струкан од Хрватска беше отворена синоќа во Музеј галеријата во Кавадарци, во рамки на манифестацијата „Кавадаречко културно лето". Автор на изложбата е Љубомир Михајловски.
Биеналната изложба „Скици 2022“ синоќа беше отворена во Уметничката галерија „Цвета Шуманова“, во Велинград, Република Бугарија, соопштија денеска организаторите од Националната установа Центар за култура „Трајко Прокопиев“ Куманово.
Музичката програма на годинешното 63 издание на „Охридско лето“ продолжува со Романска вечер и концертот на виолинистката Ирина Мурезану и уметниците од Европскиот оркестарски изведувачки институт „ФАМЕ’С“.
Во Куќата на Робевци вечер ќе биде отворена изложба на дела од еден од најзначајните македонски современи ликовни уметници – Владимир Георгиевски (1942-2017).
На летната сцена на градскиот плоштад во Крива Паланка вечер во рамки на „Кривопаланечко културно лето“ ќе настапат Пламенка Трајковска – гудачко трио.
Театарскиот ансамбл на велешкиот Театар „Јордан Хаџи Константинов -Џинот“ на 6 август претставата „Едвард Втори“ во режија на Андриј Жолдак ќе настапи на годинешното 63. „Охридско лето“.
Културно уметничкото друштво „Валет е Лиќенит“ од Радолишта ќе го отвори 32. издание на фестивалот на стилизирани песни и ора „Кенге Јехо“, што од денеска до недела ќе се одржува на Градскиот плоштад во Струга.
Во археолошкиот локалитет Стоби во тек е 11-та меѓународна Школа за археологија која започна на 24 јуни и ќе трае до 22 јули. Оваа година, археолошките истражувања се одвиваат со учество на 19 студенти и волонтери од САД, Канада и Кина Проектот е почнат уште во 2010 година како дел од соработката меѓу Националната установа Стоби и Фондацијата „Балканско Наследство“ од Бугарија.
Во организација на Македонското друштво „Илинден"- Тирана вечер ќе биде промовиран фотоалбумот „Народни носии на македонското национално малцинство во Република Албанија".
Актерот Никола Ристановски од Северна Македонија е годинешниот добитник на наградата „Александар Лифка“ во регионална категорија на 30-тото издание на Фестивалот на европски филм Палиќ кој се отвара утре, јави дописникот на МИА од Белград.
