Министерството за здравство во соработка со Министерството за труд и социјална политика разработува модел што треба да обезбеди здравствена заштита за граѓаните во руралните средини и во помалите општини во државата.
Универзитетот „Св.Климент Охридски“-Битола е подготвен за реализација на првиот уписен рок за студенти бруцоши во новата академска година што ќе се реализира на 30 и 31 август.
Уписите на Универзитетот „Гоце Делчев“ во Штип и во Наставниот центар во Струмица започнуваат на 29 август и ќе траат до 3 септември во првиот уписен рок, а новата академска година ќе почне на 1 октовмри, информираше денеска на прес конференција проф.д-р Кирил Барбареев, проректор за настава.
Македонското друштво „Илинден“ со седиште во Тирана и огранокот за Голо Брдо упатија честитка по повод празникот Курбан Бајрам.
Општина Крива Паланка ќе додели стипендии на осум спортисти од градот кои тренираат и се натпреваруваат во спортските клубови од општината. Спортските стипендии ќе се доделат за прв пат, а се наменети за четити основци и четири средношколци.
Нетрадиционалната култура гоџи бери се одгледува на кумановските ниви. Емилија Јакимовска, инаку професорка по македонски јазик во средното „Наце Буѓони“ и индивидуален производител и креатор на идеја за креирање козметика од гоџи бери е една од пионерите во оваа дејност.
Како што информира министерот за земјоделство, шумарство и водостопанство Љупчо Николовски, во консултација со стручните служби од Охрид и институтите, направена е измена во риболовните основи за поголема заштита на рибниот фонд.
Две ученички од основното општинско училиште „Јоаким Крчовски“ од Крива Паланка се дел од шестчлената група ученици –франкофони од Македонија, учесници на Петтиот Меѓународен франкофонски камп кој се одржува од 20 до 27 август во Тирана.
Со утринскиот сабах намаз во четириесеттината џамии во дебарското муфтиство, кое ги опфаќа општините Дебар, Центар Жупа и подрачјето на Река, почна одбележувањето на големиот муслимански празник Курбан Бајрам.
По повод муслиманскиот верски празник Курбан Бајрам, денеска градоначалникот на општина Делчево, Горан Трајковски присуствуваше на утринската молитва која се одржа во Џамијата Мехмед Фатих II.
