Согласно критериумите за доделување на наградата „13 Ноември“ што ја доделува Сојузот на спортови на Скопје, денеска беа врачени наградите на најзаслужните спортисти, тренери, екипи и спортски работници во македонската престолнина.
Зоолошката градина во Скопје го поднови својот возен парк со електричен еко минибус наменет за прошетки на посетителите во зимскиот период. Новиот екобус е со капацитет за 20 посетители, а со едно електрично полнење ќе поминува до 80 километри.
Јавното сообраќајно претпријатие „Скопје“ нема да ги поскапи билетите за градски превоз, независно од порастот на цената на нафтените деривати.
Со повеќе културни, хуманитарни и спортски манифестации денеска ќе биде одбележан 13 Ноември – Денот на ослободувањето на Скопје.
По повод 74 години од ослободувањето на Скопје, „Арс Либрис“ вечер од 19 часот во книжарницата „Литература.мк“ ќе ја промовира монографијата „Скопје – Архитектурата како фотографска скулптура (1963-1990)“ од Ерина Богоева која содржи 80-ина фотографии.
Во центарот на Скопје вечерва падна пороен дожд – произведен вештачки за сцена од новиот игран филм „Врба“ на Милчо Манчевски, во која актерот Петар Мирчевски „филмски“ повреден во сообраќајка беше ставен во амбулантно возило.
Здружението АКК Скопје се огласи преку соопштение до медиумите за вчерашниот ридско – брзински натпревар во автомобилизам кој се бодува за шампионатот на Република Македонија за 2018 година, „ВОДНО II“ 2018 – Ослободување на Град Скопје – 13ти ноември.
Проблемот со загаденоста на воздухот не е од вчера, туку е повеќедецениски и за чие решавање е потребен сестран интегриран пристап, со реализација на голем број активности и мерки на краток, среден и на долг рок.
Инструментите со кои се мерат канцерогените ПМ10 честички во скопските населби Лисиче и Гази Баба не се во функција од 5 октомври, односно од 14 август.
Регулатива за судски превод во Република Македонија, приказ на правосудниот систем во земјата, улогата на судскиот толкувач во судница, пренесување на туѓите имиња на кирилица и на македонските имиња на латиница, се дел од темите на Шестата годишна конференција на Здружението на преведувачи и толкувачи на Република Македонија што ќе се одржи во сабота во Скопје.
