Ахмети се сретна со ЕУ амбасадори

Претседателот на Демикратската унија за интеграција Али Ахмети денеска во седиштето на партијата остварил средба со амбасадорот на Велика Британија Чарлс Гарет, на Холандија Ваутер Пломп, на Шведска Матс Стафансон и со Марко Акватичи од Амбасадата на Германија, соопшти партијата.

– На средбата гостите го поздравија изборот на претседателот од парламентарното мнозинство на Собранието на Македонија и ја потврдија целосната поддршка од страна на ЕУ во однос на формирањето на извршните органи, со цел земјата преку нова и реформска влада да го продолжи што поскоро патот на интегративните процеси кон ЕУ и НАТО, информира ДУИ.