Олимпијакос прв финалист

Кошаркарите на Олимпијакос се пласираа во финалето на „фајнл фоур“ од Евролигата што се игра во Истанбул. Тие во првото полуфинале го победија европскиот првак ЦСКА Москва со 82:78 (12:18; 21:22; 27:24 и 22:14). Решавачката предност Олимпијакос ја создаде во последната четвртина.

Четири играчи кај победничката екипа имаа двоцифрен број поени: Василис Спанулис, Јоргос Пинцезис и Костас Папаниколау сите по 14, а Вангелис Мацарис 12. Најефикасен на дуелот беше Милош Теодосиќ од ЦСКА Москва со 23 поени.