Хјустон би можел да биде новиот тим на Адетокунбо

Раководните лица на Хјустон рокетс веруваат дека во размена би можеле во тимот да го донесат Јанис Адетокунбо.

НБА инсајдерот Марк Штејн пишуваше и за долгогодишниот интерес на Рокетс за ѕвездата на Феникс санс, Кевин Дурант и различните комбинации на средства кои Тексашаните би можеле да ги понудат за напаѓачот.

- Но, слични гласини почнаа да кружат меѓу ривалските тимови во врска со потенцијално доаѓање на Јанис Адетокунбо во Хјустон во некој иден трејд, објави Штејн.

Се верува дека грчката суперѕвезда би можел да побар трампа од Милвоки поради лошите перформанси на тимот оваа сезона.