Унзуе ја превзема Селта

Хуан Карлос Унзуе од следната сезона ќе биде тренер на Селта од Виго, полуфиналистот на Лигата на Европа.

Некогашниот голман потпиша двегодишен договор со управата на „небесно-сините“.

Тој ќе го наследи Едуардо Беризо на „Балаидос“. Селта следната сезона нема да игра во европските натпреварувања, па ќе се посвети само на Кралскиот куп и на Примера лигата.

Педесетгодишниот Унзуе прво работеше под Луис Енрике во Селта, а потоа заедно со него работеше како помошник во Барселона.