ВМРО-ДПМНЕ: СДС повторно го понижи Собранието

Зборот на СДС нема вредност.

Во вода паднаа најавите за транспарентност и отчетност на СДС и коалициските партнери од новото собраниско мнозинство.

СДС по втор пат го понижи и деградира Собранието на Република Македонија за само месец дена.

СДС го погази Уставот, Деловникот за работа на Собранието и Закон за Собрание при обидот насилно и нелегално да го изберат Талат Џафери за претседател.

СДС сега срамно закажа седница за избор на влада за само еден ден. Тоа претставува недемократски чин кон јавноста и кон Собранието на Република Македонија.

Изминативе 16 години, во Република Македонија се воспостави една демократска пракса каде се оставало простор од минимум 12 дена помеѓу доставувањето на предлогот за избор на влада и закажување на собраниската седница. Ова е простор за јавна дебата и сериозна анализа на владината програма и предложените кандидати за министри. Ова е простор за подготовка на квалитетна дискусија.

Како по обичај СДС и аболицираниот криминалец Зоран Заев оваа демократска пракса ја погазија и одлучија да се закаже седница за само еден ден.

Аболицираниот криминалец Зоран Заев одлучи да ја сокрие програмата и биографиите од предложените кандидати за министри од анализа и разгледување од страна на јавноста, парламентарната опозиција, стручната фела и новинарите.

Што толку аболицираниот Зоран Заев сака да сокрие од македонската јавност пред која треба да даде отчет?

Зар толку држат ветувањата на СДС?

По сево ова е јасно е дека оваа Влада не е реформска туку антиреформска.

Граѓаните на Република Македонија уште еднаш го видоа вистинското лице на СДС. Тоа е лицето кое ветува најмногу 20 министри, а предлага владин кабинет од 26 функционери. Ниедна лага не трае вечно.