Вардар во Келн пишува историја

За последните четири сезони во лигата на шампионите Вардар го направи она што досега не му успеало на ниту еден друг машки тим во Македонија. По трите пласмани во четврт-финалето сега е направен посакуваниот и очекуван чекор напред, влезот на Ф4 турнирот. А тука сѐ е можно, и Вардар во Келн пристигна со единствена цел - да нaпише нова клупска историја.

Вардар е единствен тим во историјата каде и машката и женска екипа играле на Ф4 турнирите. Жените трипати беа бронзени, а годинава играа и во финалето. Двајца играчи од сегашниот состав на Вардар веќе го имаат освојувано трофејот во лигата на шампионите, Арпад Штербик трипати, и еднаш Иван Чупиќ.

За Вардар ова е 11. сезона во ЛШ, и убедливо сме најуспешната македонска екипа што досега учествувала во лигата на шампионите. Сезоната 2016/2017 досега е најуспешната за клубот, со 12 победи на 16 натпревари и освоени 24 бода. Вкупно во ЛШ имаме одиграно 102 натпревари.

Имаме серија од шест победи по ред во ЛШ, што исто така е клупски успех.

Полуфиналниот натпревар со Барселона е закажан за в сабота во 18 часот.