Лука Циндриќ кој со голот во последната секунда од полуфиналето против Барселона, го одведе Вардар до финалето во Лигата на шампионите, а подоцна го освои и шампионскиот трофеј, од следната сезона ќе се пресели во полскиот тим Кјелце.

Како што објавува хрватскиот веб-портал „Индекс“, 23-годишниот хрватски репрезентативец веќе го договорил трансферот со полскиот шампион и тоа на три сезони.

За хрватскиот бек, според „Индекс“, биле заинтересирани и најголемите европски клубови, Барселона, Веспрем и Рајн Некар Левен, но, Циндриќ сепак, се одлучил за полскиот тим кој од клупата го предводи Талант Душебаев, а за кој следната сезона ќе настапува и неговиот син актуелниот вардаровец Алекс Душебаев.



Автор: Администратор
Објавено на: 05/06/2017 23:38