Алегри останува во Јувентус

Масимилијано Алегри, тренерот на фудбалерите на Јувентус, потпиша нов договор со шампионот на Италија до 2020 година.

Според наводите на медиумите, Алегри годишно ќе заработува седум милиони евра, што е повеќе од претходниот договор.

„Алегри несомнено го трансформира клубот во значаен играч на континентот. Рамо до рамо, Јувентус и Алегри ја испишаа историјата. Сега е време да го направиме следниот чекор заедно“, се наведува во соопштението на Јувентус.

Масимилијано Алегри во Јувентус дојде во 2014 година, а досега со „старата дама“ освои три титули во Серија А, три пати Купот на Италија и два пати се избори за пласман во финалето на Лигата на шампионите.