Македонските ракометарки ја пречекуваат Шведска

Женската ракометна репрезентација на Македонија вечер во СРЦ „Кале“ во Скопје ја пречекува Шведска во првиот од двата бараж дуела за пласман на Светското првенство во Германија што ќе се одржи кон крајот на годинава.

Избраничките на селекторот Симе Симевски против фаворизираните Швеѓанки ќе се обидат да извлечат поволен резултат пред реванш дуелот кој ќе се игра во вторник на теренот на противникот.

Вечерашниот меч меѓу Македонија и Шведска ќе започне во терминот од 20 часот и 30 минути, а е последниот од петте кои се играат денеска.

Во останатите средби од денешната програма се среќаваат: Италија – Србија, Унгарија – Словачка, Хрватска – Словенија и Чешка – Турција.

На натпреварите одиграни вчера, беа постигнати постигнати овие резултати: Црна Гора – Белорусија 33-26, Русија – Полска 31-20, Романија – Австрија 34-29 и Украина – Шпанија 24-24.