Стартува продажбата на влезници за УЕФА Супер купот

Победниците од Лигата на шампионите Реал Мадрид, односно на Лига Европа Манчестер јунајтед ќе се борат за трофејот на арената Филип Втори.

Продажбата на билетите стартува денес, а интересот за билетите е голем, па по тој повод денеска во 18 часот ќе се одржи пресконференција на арената Филип Втори на која ќе биде соопштено како најлесно и најбргу заинтересираните ќе можат да стигнат до влезница.

Покрај преставниците од УЕФА на денешната пресконференција ќе бидат и Емилио Бутрагењо и Луј Саха како преставници од победничките клубови кои ќе се сретнат во Скопје.

Она што е познато за билетите е дека продажбата ќе оди преку УЕФА, дел од влезниците ќе бидат поделиени на двата тима, а дел од влезниците ќе задржи УЕФА за своите спонзори, додека остатокот е предвиден за локалното население.