Почнува нова ера во Рома: Ди Франческо нов тренер

Фудбалскиот клуб Рома официјално потврди дека Еузебио ди Франческо ќе биде нов тренер на екипата.

Ди Франческо потпиша договор на две години, односно до крајот на сезоната 2018/19.

Ди Франческо како играч дресот на Рома го носеше во текот на четири сезони, од 1997 до 2001 година, одигра 129 натпревари и постигна 16 голови, а беше дел и од последната шампионска екипа на чело со Фабио Капело.

„Многу сум среќен што сум повторно во Рома, да се биде тренер на овој тим за мене е голема чест. Му се заблагодарувам на претседателот Палота и на своите менаџери што ми овозможија ваква работа“, изјави Ди Франческо.

Досега ги водеше Виртус Ланчано, Пескара, Лече и Сасусоло.

Рома претходно во вторникот официјално го донесе првото засилување, стоперот Хектор Морено од ПСВ.