ФБ: На месечно ниво има активни две милијарди корисници

Социјалната мрежа Фејсбук објави дека ја достигна бројката од две милијарди активни корисници месечно.

– Денеска одбележуваме нова пресвртница – сега имаме две милијарди луѓе кои секој месец го користат Фејсбук, стои во соопштението на компанијата, која својата прва милијарда корисници во еден месец ја „прослави” во октомври 2012 година.

– Напредуваме во поврзувањето на светот и го правиме поблизок, истакна основачот на Фејсбук, Марк Цукерберг.

Фејсбук, кој е формиран во 2004 година, во првото тримесечје од 2017, забележа профит од три милијарди долари.