Тепачка во Охрид на Горица - 3, петмина повредени

Во голема тепачка што се случила на плажата „Горица-3“ претпладнево, најмалку пет луѓе се повредени, а седуммина се приведени, информира СВР Охрид.

Инцидентот се случил во 10.50 часот. Според официјалното соопштение, најверојатно поради меѓусебни недоразбирања кои траeле подолг период, првин дошло до пресметка меѓу две помали групи. Набргу стигнале полицајци кои интервенирале, но тогаш пристигнале уште пет лица со опасни орудија, кои нападнале еден гостин на шанкот. Тој, пак, претходно ги делел двете групи да не се тепаат. Полицајците што биле на местото продолжиле да интервенираат, а наскоро им стигнало и засилување, па тепањето било сопрено, а повредените префрлени во Општа болница Охрид.

За инцидентот се приведени седум лица. Петмина од нив се приведени откако на различни одделенија во Општа болница Охрид им е пружена неопходната медицинска помош.

СВР Охрид и Јавен обвинител работат на расчистувањето на тепачката.