Администрацијата на САД го исфрли софтверот од московската фирма „Лабораторија Касперски” од две листи на владини технолошки набавки.

Причина за тоа е сомнеж дека производите на оваа компанија за сајбер безбедност може да се користат од страна на Кремљ за недозволен пристап до компјутерски мрежи во САД.

Исфрлањето од листите е најконкретната мерка против „Касперски”, по сомнежот на американското разузнавање дека фирмата можеби е премногу тесно поврзана со соперничките руски разузнавачки служби, обвинети за сајбер напади врз САД.

Инаку, софтверот за антивирусна заштита „Касперски” е популарен, како во светот, така и во САД, а фирмата е водечка во оваа област веќе неколку децении.



Автор: Администратор
Објавено на: 23/07/2017 14:28