Симулација на напад на Британскиот парламент- метата лесно достапна

Од британскиот парламент протекоа податоци за шокантните безбедносни пропусти откако полицијата извела таен симулиран терористички напад во кој би можело да бидат убиени повеќе од 100 пратеници, пишува британскиот весник „Телеграф“, наведувајќи дека во зградата на парламентот би можело да се влезе за помалку од пет минути.

При пробниот напад, кој е извршен сред ноќ, полицајците маскирани како екстремисти користеле чамец за да му пријдат на Парламентот преку река, а потоа лесно влегле во зградата, провалувајќи во салата на Долниот дом, наведува весникот.

„Доколку ваквиот напад беше реален, би предизвикал масовни загуби“, се наведува во текстот.

Вежбата била изведена во текот на годинава додека парламентот бил на пауза, а повеќето пратеници не знаеле за резултатите од тестот.