Вардар ќе игра за бронзата на Супер Глоуб 2017

Европскиот првак Вардар ќе игра за третото место на Супер Глоуб 2017 откако во полуфиналето од нашиот тим подобри беа ракометарите на Барселона кои победија со 32-29 (15-12).

Вардар повторно одигра меч со Барселона полн со пресврти и неизвесност до самио ткрај. Малку повеќе концентрација, но можеби и среќа во некои моменти недостасуваа за повторно да триумфираме против Барселона.

Последните 15-тина минути беа навистина неизвесни, а Вардар иако имаше постојано дотогаш негативауспеа да израмни, и неколкупати да има позиција да реализира напад за водство. Но, секогаш тие напори не влодуваа со плод и толку посакуван гол. Последен пат израмнивме во 55 минута, 28-28, по што на две наши грешки, една загубена топка и еден промашен шут на Криштопанс, шпанскиот тим беше сигурен и реализираше за водство 28-31.

Секогаш кога требаше да се одигра мирно, сталожено и да се релизира сигурен гол, имавме проблем. Но, Вардар покажа дека игра 60 минути без оглед на резултатот, без оглед кој води и колкава е разликата. Покажавме дека има уште место за напредок.

Десетте минути без постигнат гол во периодот од 12 до 22 минута беа клучни, и Барселона тогаш направи серија од 0-5 за водство од 3-10. Се обиде Раул Гонзалез со повеќе комбинации особено во нападот, каде тргнавме со Кањељас на среден бек, а потоа се сменија и Игор Карачиќ и Лука Циндриќ, а место Стоилов на линијата на шест метри продолжи Рожерио Мораеш. Корпулентниот Бразилец знаеше како да одолее н атешките удари од противникот и постигна и три гола.

Барселона ја казнуваше речиси секоја наша грешка, и лошиот период од десет минути заврши во корист на Шпанците токму поради успешното реализирање на секое наше промашување или техничка грешка.Во првото полувреме имавме 10 технички грешки и плус 11 промашени шутеви. Арпад Штербик имаше четири одбранети топки, а Страхиња Милиќ три топки.

Последните пет минути вардарци покажаа нешто од својот квалитет, и тоа е период од играта во кој двапати „врзавме" и серија од по два гола, и од највисокото водство на противникот, 6-13 во 25 минута направивме серија со која намаливме на 11-14. Во последните десет секунди двата тима постигнаа по еден гол, а Лука Циндриќ со звукот на сирената која означуваше полувреме намали на 12-15 оставајќи надеж за подобра игра во следните 30 минути.