Влатко Стефановски и Амет Шериф добитници на награда за животно дело
Годинашни добитници на државната награда „11 Октомври“ за животно дело се музичкиот уметник Влатко Стефановски во областа на културата и уметноста, и историчарот, проф. д-р Амет Шериф – во областа на науката и образованието.
Одлуката ја донесе Одборот за доделување на наградата „11 Октомври“ под претседателство на академик Митко Маџунков.
Наградата на добитниците ќе им биде врачена на 11 Октомври 2017 година во 12 часот во Собранието на Република Македонија.
