Трета победа за ЖРК Вардар во регионалната лига

Ракометарките на ЖРК Вардар кои се актуелни шампионки на регионалната лига синоќа ја постигнаа и третата победа сезона. „Црвено-црните“ го победија домаќинот на вториот турнир словенечкиот тим Крим со 32:29.

ЖРК Вардар во Љубљана отпатува без повредената Драгана Цвијиќ, додека поради истата причина (повреда) не настапи и Андреа Лекиќ, иако е присутна во Љубљана.

На полувреме Крим водеше со 18:17, но во вториот дел „вардарки“ го презедоа водството. Најефикасна кај Вардар беше Андреа Пенезиќ со девет голови, а Полина Кузнецова беше стрелец на шест голови.

Попладнево од 16 часот ЖРК Вардар ќе игра против Будуќност.