Нетфликс прекинува со снимање на серијата „Куќа од карти“

Шестата сезона од популарната серија „Куќа од карти“ ќе биде последна, објавија од Нетфликс по обвинувањата за сексуално вознемирување против ѕвездата на серијата, Кевин Спејси.

Од Нетфликс соопштија дека оваа одлука била донесена уште пред неколку месеци, но објавена е на неполни 24 часа по обвинувањето на глумецот Ентони Рап дека Кевин Спејси сексуално го вознемирувал.

Спејси изјави дека не се сеќава на инцидентот, кој што се случил пред 30 години, но доколку било така како што го опиша Рап тогаш му должи извинување. Тој исто така соопшти дека е хомосексуалец.