Осма доживотна казна затвор од „Диво Насеље“

Доживотна казна затвор заработи Сулејман Османи, обвинет во случајот „Дива населба“. На нему му се судеше во одвоена постапка. Сулејман Османи во судница со рацете правеше двоглав орел, а аплаудираше кога му беше прочитана пресудата.

Адвокатот Насер Рауфи најави жалба на пресудата. Според него недостасуваат основните предуслови, предизвикување страв и несигурност кај населението, за да може делото за кои е обвинет Османи да се квалификува како тероризам.