Тешка борба против Ларвик, Вардарки меѓу 12-те најдобри во Европа

На две кола до крај на групната фаза во женската лига на шампионите ракометарките на Вардар и теоретски обезбедија место меѓу 12-те најдобри во Европа. Во рамките од 4. коло од Ц групата Вардар како домаќин го победи Ларвик со 30-27. Амандин Лејно мечот го заврши со 20 одбрани и беше централна фигура на натпреварот.

За вардарки ова е 45 победа во лигата на шампионите, четврта сезонава и четврта во меѓусебните шест натпревари. „Црвено-црните" остануваат лидери во групата со максимални осум бодови. Мораа добро да се намачат вардарки да победат, бидејќи Ларвик играше опуштено и лесно, а ние со повеќе грешки отколку што сме навикнати. Бевме фаворити пред почетокот, на крајот тоа го покажавме, и победивме.

До крај на групната фаза ни остануваат уште натпреварите со ФТЦ Будимпешта на гости и со Турингер на домашен терен. Потоа ќе вкрстиме со трите екипи од Д групата каде ќе одиграме уште шест нови натпревари, а ќе ги пренесеме освоените бодови од нашата група со оние ривали што ќе продолжат во Главната рунда.

Вардар како фаворити го почна натпреварот, но имаше проблеми во текот на првите 30 минути. Не успеавме да се одлепиме резултатски, па и кога водевме со два гола предност тоа беше најмногу што постигнавме. Амандин Лејно беше одлична во овој дел од натпреварот со 11 одбрани. Нападот не делуваше како што знаеме и сме навикнати да ги гледаме вардарки. Доста топки завршија во рацете на противничкиот голман, во дел од акциите направивме технички грешки, и токму поради тоа Норвежанките знаеја сѐ да казнат.

Имавме период од седум минути без постигнат гол, и од наше водство 8-6 гостинките постигнаа серија од 4-0 за водство 8-10 во 27 минута. Ларвик секогаш кога имаше шанса за брза игра, полуконтра и контра знаеше да реализира, и тоа најмногу на нашите нереализирани акции.

Во второто полувреме ја презедовме иницијативата и водствот, и постојано имавме предност. Сега Ларвик се обидуваше да фати приклучок, а ние во еден момент имавме и „плус 4'. Но, Ларвик не се предаваше и тоа и донесе намалување на водството, до „минус 1“ пред самиот крај. Но, Вардар веќе беше воигран и немаше проблеми да се победи.