Дибирова: Успеавме да одолееме на притисокот

Вардар е единствен тим во Лигата на шампионите што по 5 коло има пет победи. Дербито во групата денеска им припадна на црвено-црните" кои во Будимпешта го совладаа ФТЦ (29:28), а тренерот Ирина Дибирова задоволна од освоените бодови.

- Тука не е лесно да се игра, па и да се победи. ФТЦ има одличен тим, и тие го победија Ѓер во домашното првенство. Кај нас недостасуваше Лекиќ, што не беше добро за нас, зашто моравме да играме без еден важен играч. Знаевме дека ФТЦ ќе сака да победи и дека ќе се обиде да игра на начин што и го очекувавме. Среќна сум поради победата. До крајот на средбата успеавме да се справиме со притисокот од публиката и да освоиме два важни бода. Имавме и лош период во играта, но знаевме како да се носиме со притисокот и ситуацијата. Девојките одиграа добро кога требаше, изјави Дибирова.

Во следниот дуел, последен во групата, Вардар го пречекува Турингер.