Цвијиќ го постигна најубавиот гол во 6-тото коло од Лигата на шампионите

Потврдата за максималниот учинок на Вардар во групната фаза на лигата на шампионите го потврди и пивотменот Драгана Цвијиќ чиј гол е избран за најдобар од сите натпревари во 6. коло на ЛШ.

Српската интернационалка одлично се вклопи во играта на Вардар и на секој меч е меѓу истакнатите играчи.

На средбата со Турингер што ја добија „црвено-црните" со 30-26, Цвијиќ постигна атрактивен гол во чија подготовка учествуваа и Амандин Лејно и Јованка Радичевиќ.