Левендис до Павлопулос: Внимавајте да не му се даде името Македонија, на Скопје

Претседателот на грчката партија „Сојуз на централисти“, Василис Левендис, побарал од грчкиот претседател Прокопис Павлопулос, да биде внимателен „да не му се даде на Скопје името Македонија“.

– Внимавајте, можеби за време на вашиот мандат, ќе се даде името Македонија на Скопје и тоа за вас ќе остави полош белег од договорите во Лондон и Цирих за кипарското прашање, му рекол лидерот на „Сојуз на централисти“ на грчкиот претседател, според АПЕ-МПЕ, пренесува МИА.