Македонија одлична на првата контрола против Саудиска Арабија

Првиот „тест“ натпревар пред Европското првенство во ракомет помина успешно за македонските репрезентативци откако во Белград со 37:21 ја совладаа репрезентацијата на Саудиска Арабија.

Македонија водеше од почетокот на натпреварот, кој што беше од затворен тип. Најефикасни во нашиот тим беа Филип Талески и Гоце Ојлески, кои постигнаа по пет погодоци.

Вториот натпревар нашите репрезентативци го играат утре против Србија од 18 часот.

Во Загреб на Европското првенство, Македонија е во група со Словенија, Германија и Црна Гора.