Франција го освои бронзениот медал на ЕП во Хрватска

Франција го освои утешниот бронзен медал на Европското првенство во Хрватска, откако успеа да го издржи силниот финиш на Данците за 32:29 победа над Данска.

Французите рано стигнаа до предност од два гола, меѓутоа при крајот на полувремето Данците повторно се вратија израмнети. Откако резултатот беше 11:11, Карабатиќ постигнува два гола за да ја врати предноста на +2 (13:11) за на полувреме да се отиде со 17:14 предност на „триколорите“.