Британски лордови сметаат дека законот за излегувањето на земјата од ЕУ е погрешен

Предлог-законот за излегување на Велика Британија од ЕУ е фундаментално погрешен и треба да биде преработен во неколку правци, велат членови на Горниот дом на британскиот Парламент, цитирани од весникот „Гардијан“, еден ден пред лордовите да започнат расправа за документот.

Уставната комисија дошла до заклучок дека законот во сегашната форма крие голем број правни ризици и треба да биде значително променет, иако веќе е изгласан од Долниот дом.