ОН: Можен напредок во решавањето на спорот меѓу Грција и Македонија

Организацијата на Обединетите нации смета дека може да биде постигнат напредок во решавањето на 25-годишниот спор меѓу Грција и Македонија за името, ако има компромис кај раководствата и народите на двете земји, изјави заменик портпаролот на светската организација Фархан Хак.

Во контекст на посетите на Метју Нимиц на Атина и на Скопје, Хак рече дека Обединетите нации целосно ја делат оценката на медијаторот дека е создаден позитивен импулс во релациите меѓу двете земји и оти е можно решение.

Нимиц денеска е во Атина, а утре и задутре ќе биде во Скопје, откако на последната рунда разговори за името во Њујорк, презентира пaкет предлози за кои рече дека можат да резултираат со напредок во наредните два месеца.