Четири лица во Скопје каснати од кучиња скитници

Четири лица од Скопје вчера во полиција пријавиле дека биле каснати од кучиња скитници.

Министерството за внатрешни работи соопшти дека вчера, во 12,15 часот во Полициската станица – Центар С.П.(63) пријавил дека истиот ден во 11,45 часот додека се возел со велосипед по ул.“Кеј 13-ти Ноември“ бил нападнати каснат од група кучиња во пределот на десната подколеница.

Ѓ.И. (38) вчера во 15,00 часот во Полициската станица – Центар пријавил дека претходниот ден околу 11,00 часот на плоштад Македонија бил нападнат и каснат од куче скитник на задната страна од десната нога.

Вчера во 14,40 часот во Полициската станица – Ѓорче Петров С.М. (59) пријавила дека на 1-ви овој месец околу 09,30 часот на ул.“Лука Геров“ била касната од куче скитник во пределот на десната подколеница. Покрај ова истиот ден во ПС Ѓорче Петров е пријавено од страна на В.Р. (60) дека околу 10,30 часот на посочената улица “Лука Геров“ била касната од куче скитник во пределот на левата подколеница.