Русија: Ако Македонија влезе во НАТО ќе има негативни последици во нашите односи
Официјална Москва смета дека плановите, Македонија да биде внесена во НАТО, може да имаат негативни последици по регионалната безбедност и билатералните односи меѓу двете земји.
Ова го соопшти руското Министерство за надворешни работи, по одржаниот состанок меѓу заменик- министерот Александар Грушко и нашиот амбасадор во Русија, Гоце Карајанов.
Меѓудругото, двајцата соговорници ја истакнале подготвенста за соработка во областите од заеднички интерес, како и важноста да продолжи работата на Руско- македонската меѓувладина комисија за трговија, економија, за научна и технолошка соработа.
Исто така, Грушко и Карајанов разговарале и за ситуацијата на Балканот.
