Фантастичен пречек на ИБРА во Л.А. Галакси

Фановите на Л.А. Галакси со одличен пречек за Ибрахимовиќ (ВИДЕО)

Шведската ѕвезда Златан Ибрахимовиќ се сретна со голем број фанови на аеродромот во Лос Анџелес.

Како што веќе е познато, 36-годишниот напаѓач неодамна се раздели со Манчестер Јунајтед и се приклучи на американскиот клуб Лос Анџелес Галакси.

Ибра може да го има своето деби уште во дербито на Лос Анџелес ФК, кое е денеска на програмата.

Ветеранот првпат во својата кариера ќе игра за клуб надвор од Европа, откако на Стариот континент смени многу познати тимови и освои над 30 трофеи.

Ибрахимовиќ во Европа го носеше дресот на Малме, Ајакс, Јувентус, Интер, Барселона, Милан, ПСЖ и Манчестер Јунајтед, а има и 116 натпревари и 62 гола за репрезентацијата на Шведска.