Барселона ја има рекордната низа во Ла Лига

Лидерот во Шпанското фудбалско првенство постави нов рекорд по денешната победа над Валенсија со 2:1.

Каталонскиот тим се наоѓа во серија од 39 натпревари без пораз во Ла Лига, од кои 32 се победи, а седум се нерешени исходи.

Покрај тоа, Барселона го изедначи рекордот за серија без пораз од почетокот на сезоната - 32 натпревари (25 победи, 7 нерешенија).

Претходно, ова достигнување го имаше Реал Сосиедад во сезоната 1979/80 (17 победи, 15 нерешени).