Инфантино увери: Во Русија е безбедно за навивачите

Претседателот на ФИФА, Џани Инфантино не се согласува со информациите, според кои Русија не е во состојба да обезбеди безбедност за навивачите кои ќе го посетат дуелите од Светското првенство ова лето.

- Се разбира дека во Русија е безбедно. А за време на светскиот шампионат ќе биде уште посигурно, бидејќи руските власти прекрасно ја разбираат важноста на ова манифестација и сакаат да го покажат гостопримството на земјата, објави Инфантино.

Тој истакна дека за обезбедување на безбедноста се преземаат невидени мерки и во Русија ќе бидат создадени сите услови за да помине Мундијалот во мирна атмосфера.

Инфантино ги повика оние фанови кои сакаат да прават проблеми, да останат дома, а оние кои сакаат да станат сведоци на фудбалски спектакли, да не се грижат и да ги погледнат во живо дуелите од Светското првенство.