Пасквал посакува уште една добра партија против Реал Мадрид

Чави Пасквал беше презадоволен од триумфот на Панатинаикос над Реал Мадрид на стартот од плејоф серијата во Евролигата.

Грчкиот претставник победи со убедливи 95:67 и поведе со 1-0 во серијата прв до три победи.

Тренерот Пасквал очекува добра игра и на вториот меч кој исто така ќе се игра во Атина.

- Некои стручњаци ќе речат дека не е добро што победивме со толкава разлика и дека подобро ќе беше да победиме со еден поен разлика. Сепак, јас мислам дека ние можеме да ја повториме таквата игра и на вториот дуел. така треба да размислуваме. Исто така, треба да сме подготвени и доколку вториот меч оди во друга насока. Како и да е најважно е да ја зачуваме самодовербата, а тоа не значи дека треба да размислуваме како работата да е завршена, истакна предводникот на „зелените“ од Атина.

Синоќа се одигра уште еден дуел од четвртфиналната пресметка во разигрувањето за трофејот. Во Москва, ЦСКА го победи Химки со 98:95.

Вечер играат: Фенербахче – Басконија и Олимпијакос – Жалгирис.