Милвоки Бакс го демолираа Бостон Селтикс

Тимот на Милвоки Бакс ја намали предноста на 2:1 од плејоф серијата против Бостон Селтикс.

Милвоки на домашен терен постигнаа убедлива победа од 116:92 против Бостон. Домаќините доминираа во текот на целиот натпревар, а на полувремето заминаа со предност од 58:33, што се покажа како непремостива за Селтикс.

Во вторите две четвртини Бостон се обиде да се врати во игра, но тимот на Милвоки во средината на последната четвртина имаа предност од максимални 28 поени.

Најефикасен во победничкиот тим беше Крис Мидлтон со 23 поени, осум скокови и седум асистенции, а кај Бостон најмногу погодоци постигна Ал Хорфорд вкупно 16 поени.