68 дена до самиот старт: Огромни гужви во САД

FIFA 2018 Светското првенство во Русија наближува – 68 дена до самиот старт!

За нешто помалку од 3 месеци – или попрецизно, на 14 Јуни – 21-то FIFA Светско првенство започнува во Москва, на стадионот Лужники, каде домаќинот ќе ги измери силите со Саудиска Арабија.

Тоа ни остава доволно време да уживаме во одбројувањето. Во меѓувреме, додека го чекаме почетокот на Светското првенство, секој ден одблиску ќе погледнеме различни статистички податоци од историјата на првенството.

68.991 – Фудбалското светско првенство во САД во 1994 година беше вредно за паметење по многу нешта. Новостите како светско првенство кое за прв пат се одигра на покриен стадион, воведувањето на правилото за забрана за игра со рака на голман по директно додавање од соиграчите како и правилото за освојување на три бода за победа се во примена до денес. Петнаесеттото издание на првенството исто така ги помести и границите во однос на посетеноста.

Приближно вкупно 3.36 милиони фанови поминале низ влезовите на деветте стадиони во девет различни градови. Тоа во просек значи 68.991 гледач по натпревар, број кој може нема никогаш да биде надминат. Наредно на листата – иако сепак на некој начин позади – доаѓа Бразил 2014 (53.592) и Германија 2006 (52.491).