56 дена до стартот на СП во Русија: Голови во мрежата на Гордиот Албион
FIFA 2018 Светското првенство во Русија наближува – 56 дена до самиот старт!
За помалку од 2 месеци – или попрецизно, на 14 Јуни – 21-то FIFA Светско првенство започнува во Москва, на стадионот Лужники, каде домаќинот ќе ги измери силите со Саудиска Арабија.
Тоа ни остава доволно време да уживаме во одбројувањето. Во меѓувреме, додека го чекаме почетокот на Светското првенство, секој ден одблиску ќе погледнеме различни статистички податоци од историјата на првенството.
56 е бројот на голови кои Англија ги има примено на нивните настапи на фудбалските светски првенства до денес. Германија има дадено 10 гола на досегашните англиски голмани – повеќе од кој било друг тим кој се има соочено со Гордиот Албион на светските завршници.
Меѓу најнезаборавните средби меѓу овие две земји беше полуфиналето во Италија во 1990, кога Германија победи со 4-3 на пенали. Како и секогаш, Германците успеаа во сите обиди од белата точка, додека пак Стјуарт Пирс и Крис Вадл ја промашија целта за Англија. Таа вечер, Андреас Бреме првично го започна постигнувањето на голови пред Гери Линекер да даде гол и да изедначи на десет минути пред последниот судечки свиреж.
Германија и Англија истотака се сретнаа и во шеснаесетфиналето во Јужна Африка 2010, каде Филип Лам и неговите соиграчи ја торпедираа одбраната на Англичаните и постигнаа 4 гола.
