НБА ги избра најдобрите дефанзивци

НБА лига ги објави имињата на најдобри одбранбени кошаркари во сезоната 2017/18.

Најмногу гласови за играта во одбрана доби центарот на Јута Џез, Руди Гоберт. Французинот сезоната ја заврши со просек по натпревар од 10,7 скока и 2,3 блокади.

Покрај него во првиот дефанзивен тим се: Ентони Дејвис (Њу Орлеанс), Виктор Оладипо (Индијана), Џру Холидеј (Њу Орлеанс) и Роберт Ковингтон (Филаделфија).