Пјонгјанг соопшти дека го уништил полигонот за нуклеарни тестови

Северна Кореја денеска соопшти дека го уништила полигонот за изведување нуклеарни проби во присуство на странски новинари.

Полигонот Пунгџери се состои од мрежа од тунели ископни длабоко под планината Мантапсан, во ретко населениот североисточен дел на државата.

Во овој полигон Северна Кореја ги изведе сите свои шест нуклеарни тестови.

На уништувањето на полигонот присуствуваа само странски новинари, но не и меѓународни испектори.

Одлуката на Северна Кореја да го затвори објектот се смета за гест на добра волја од страна на севернокорејскиот лидер Ким Џонг-ун пред планираната средба со претседателот на САД Доналд Трамп.