Надополнување на картичките за јавен превоз само во билетарите на ЈСП

ЈСП Скопје информира дека денеска завршил договорот помеѓу нив и фирмата-мастер дилер за продажба на нивните услуги, па затоа во наредните неколку денови корисниците на нивните услуги, нема да можат да купуваат и да ги надополнуваат електронските картички „Скопска“ во продажните места кои не се во нивна сопственост.

Како што појаснуваат, тоа ќе може да се направи исклучиво во продажната мрежа на ЈСП Скопје која ја сочинуваат 32 билетарници.

- ЈСП Скопје навремено се подготви за решавање на оваа ситуација, потребната опрема и логистика се обезбедени и многу наскоро граѓаните ќе имаат можност повторно да ги купуваат нашите услуги преку мрежа на секундарна дистрибуција, стои во соопштението.

Од компанијата се извинуваат за евентуалните нелагодности поради оваа ситуација, но истакнуваат дека, пред целосна вредносна искористеност на договорот кој го имале склучлено со фирмата-мастер дилер, не биле во можност за активирање на подготвено решение, со кое многу наскоро продажба на нивните услуги ќе биде повторно возможна преку мрежа на секундарна дистрибуција.