Проблеми со срцето - најчест причинител на смрт на работното место

Околу 75 отсто од смртните случаи на работно место, што не се поврзани со несреќа за време на работа, се поради срцевите болести, покажуваат нови истражувања.

- Главната причина за случаите оквалификувани како несреќи со смртен исход, а не се поврзани со процес на производство, се вообичаените заболувања - 84 отсто. Основен причинител се проблемите со срцето, како што е срцевата слабост, се вели во истражувањето.

Дури 75 отсто од смртните случаи се должат на срцеви заболувања, а 17 отсто на други болести, кои не се поврзани со срцето и крвоточниот систем. Заболувањата на крвните садови предизвикуваат осум отсто од смртните случаи.