Мбапе е добро, ќе игра на СП

Килијан Мбапе се огласи по повредата здобиена на вчерашниот тренинг на француската фудбалска репрезентација. Тој ги израдува навивачите на „триколорите“ соопштувајќи дека се чувствува добро и дека не е доведен во прашање неговиот настап на Мундијалот.

- Добро сум. Тоа беше удар кој ми предизвика моментална болка. Се помина со масажа и немам сериозна повреда. Немојте да го напаѓате Рами, тој немаше зла намера, рече Мбапе.

Младата ѕвезда на ПСЖ го напушти тренингот при еден дуел со соиграчот Адил Рами, Мбапе падна и се фати за левиот глужд.

Франција Светското првенство го почнува в сабота во Казан со дуел против Австралија.